KORONADAL CITY- Tigayon na nga nagtakop ang pagsang-at sang Certificate of Candidacy ukon COC para sa pagka-kongresista sa ipatigayon nga special election sa 1st kag 3rd District sang probinsya sang South Cotabato.
Nahibaluan nga para sa 1st District, yara sa 3 ka mga kandidato ang nagfile sang COC nga ginalakipan nanday:
1. Isidro Lumayag- Partido Federal ng Pilipinas
2. Richard Ross Barroso- Tampakan- IND
3. Atty Leo Cordova- Councilor Polomolok- IND
Samtang sa 3rd District naman, yara sa 4 ang nagfile sang COC nga amu sanday:
1. Sherlyn Bañas Nograpes- PCM
2. Pedro Acharon Jr- AIM
3. Benjamin Rivera Jr- IND
4. Abelardo Plaza- IND
Kaangot sini, ginpahayag sa Bombo Radyo Koronadal ni Atty Jay Herada, SoCot Provincial COMELEC officer nga ang COCs nga ginsumiter sang mga kandidato ang ipadala sa Manila agud nga masekyar kun kwalipikado ang mga ini sa pagpapili sa eleksyon.
Suno kay Herada, isapubliko nila ang opisyal nga listahan sang mga kandidato kun mag-abot na ang resulta sang validation sang COMELEC.
Ginpahayag man sini nga sa Setyembre 11 tubtob Oktubre 24, 2019 pa ang opisyal nga kampanya sang mga kandidato.
Ang nasambit nga tion suno pa ang nagakaigo suno pa agud nga maplastar sang kada isa ang ila nga plataporma de gobyerno.
Sa karon, ginpa-athag man sini nga mangin automated ang election nga ipatigayon sa Oct 26, 2019.
Nahibaluan nga nagsugod ang COC Filling sang Oktubre 26 tubtob Oktubre 28, 2019
