KORONADAL CITY- Positibo suno pa ang Muslim community sa probinsya sang South Cotabato nga mapasar na ang Bangsamoro Basic Law ukon BBL sa idalom sang Duterte administration.
Ini ang ginpahayag ni Sultan Mutalib Sambuto, Muslim Affairs Chief sang South Cotabato sa interbyu sang Bombo Radyo Koronadal.
Suno kay Sambuto ginakalipay nila nga gina hisgutan na sa Kongreso kag Senado ang BBL kag nagalaum sila nga mapasar ini sa 17th Congress.
Dugang pa nga suportado man ni Pres. Rodrigo Duterte ang pagpasar sini kadungan sang ginaduso nga Federal form of government.
Ang BBL ang madugay na nga luyag malab-ot sang Muslim community sa Mindanao bangud ini ang mangin dalan sa paglab-ot sang kalinong para sa tanan.
Sa tion suno pa nga matuman ang ila luyag, amat-amat man nga madula ang kinagamo sa rehiyon.
Apang ginpaklaro naman ni Sambuto nga indi lang mga Muslim ang magabenipisyo sa BBL apang mangin ang mga Lumad kag Kristyano sa Mindanao.
