Ginatun-an sang Commission on Elections (Comelec) nga pasakaan ang honorarium para sa mga miyembro sang electorial board kag support staff sa 2025 midterm elections bangud sa dugang nga oras sang piniliay.
Suno kay Comelec chairman George Garcia, igaduso sang komisyon ang dugang nga honoraria sa mga manunudlo ‘across the board.’
Nahibaluan nga plano sang komisyon magpatuman sang temprano nga voting hours para sa vulnerable voters kalakip na sa mga persons with disabilities (PWDs), senior citizens, kag mga nagabusong.
Ang nasambit nga sektor ang mahimo makaboto sumugod alas-5 tubtob alas-7 sa aga.
Bangud sini madugangan ang oras sang trabaho sang mga manunudlo bilang poll workers.
Sa nagligad nga automated elections, P9,000 ang honorarium sang mga miyembro sang electoral board kag P8,000 para sa support staff.
