KORONADAL CITY – Nagpaabot na sang resolution ang Indigenous People Council For Development sa banwa sang T’boli sa SAngguniang Panlalawigan sang South Cotabato angot ila nga paghatag sang sentimyento nga naga suporta sa ila nga mga katribo sa Tampakan nga naga suporta sa pag-abri sang pagmina sa amu nga banwa.
Ini ang nangin pahayag ni Datu Edmund Ugal,Chairman sang Indigenous People Council For Development sa banwa sang T’boli sa interview sang Bombo Radyo Koronadal.
Suno sa opisyal, katungod nila nga suportahan ang ila nga mga katribo sa anu man nga issue nga ginatindugan nila nga mga IPs bangud sa customary based ang ila nga tribo.
Dugang pa sini, suportado nila ang tikang sang pila ka mga IPs sa Tampakan nga idayon ang pagpangmina para man mausar sa bwas damlag sang ila nga tribo labi na ang bwas damlag sang mga kabataan sang ila nga tribo.
Suno pa sa iya, naga kaangay man nga ihatag ang ini katungod sang ila nga tribo bangud ila man nga ancestral Domain ang pagapatigayunan sang pagpangmina.
