KORONADAL CITY- Nagresulta sa madinuguon nga shootout ang pagresponder sang mga otoridad sa nagluntad nga kinawatay sang mga sapat Brgy. Blensong North Upi Maguindanao.
Sa impormasyon nga ginpalab-ot sang Maguindanao PNP, isa ka resport ang ila nabaton nga may yara sang kinawatay sang sapat sa nasambit nga lugar kun sa diin kaupod nga nagresponder sang North Upi PNP kag sang mga Brgy. Tanod amuh ang Marine Troopers sang Mobile Battalion Landing Team 7 kag naabtan ang isa sa mga kawatan nga may dala nga mataas nga kalibre sang armas luthang.
Gilayon naman nga ginsita ini sang mga otoridad apang naghana ini nga magpalagyo kag nakaangkon sang nilagsanay kag nagpalupok pa ang suspek sang iya armas kun sa diin naluthang patay man sini ang brgy tanod nga si Gilbert Mayo Golde.
Nagbalos man ang mga otoridad kag naluthang patay man ang wala pa makilal-an nga mga suspek kun sa diin narekober sa posisyon sini ang isa ka M14 rifle.
Nagpatigayon naman sang hot pursuit operation ang mga otoridad batuk sa iban pa nga mga kaupdanan sini nga yara sa likod sang malapnagon nga pagpangawat sang mga kasapatan.
