KORONADAL CITY- Agaw atensyon subong nga adlaw kadungan sang Valentines day ang pagpanghatag sang pula nga rosas sang mga katapo sang Highway Patrol Group (HPG) sa syudad sang Koronadal.
Sa interbyu sang Bombo Radyo Koronadal kay PCI Von Alejandrino, chief sang HPG-South Cotabato, simultaneous nationwide ang nga ini subong sang HPG sa tinutuyo nga magpabutyag ang paghigugma sa mga babaye nga mga motorista subong nga adlaw sang Valentines day.
Suno kay Alejandrino ang nasambit nga mandato ang naghalin sa national headquartes nga madadugay tubtub karon sa gab-e sa nagkalain-lain nga lugar sa pungsod.
Diri sa syudad sang Koronadal may kalakip nga mga flyers nga may unod safety tips ang pula nga rosas ang ginpanghatag sang katapo sang HPG.
Kaina sang aga nagpanduha-duha pa ang mga motorista nga magpalapiot s aila bangod sa pagpati nga mahatagan ang mga ini sang mga ticket sa anuman nga mga bayuklasyon apang ginkakibot sang mga ini ang pagtamyaw kag paghatag sang pula nga rosas.
Dugang pa ni Alejandrino nga nilibo ka mga pula nga rosas ang ginlauman nga ipanghatag subong nga adlaw sa mga motorista bilang bilang pagpakita sang paghigugma sa mga ini.
