Nagapadayon ang Midsayap Municipal Police Station (MPS) ang ila imbestigasyon sa isa ka pagpamusil-patay sa anay konsehal nga si Jerry Beltran Dofredo nga nagluntad sa Purok 4, Central Katingawan, Midsayap, Cotabato sang gab-i sang Enero 18.
Suno kay P/Lt. Col. Realan Mamon, hepe sang Midsayap MPS, ginalantaw nila ang tanan nga anggulo sa insidente agud matukiban ang posible nga motibo sa pagpamusil-patay kay Dofredo.
Ginkumpirma man ni Mamon nga narekober nila ang anum ka basyo sang calibre .45 sa crime scene, nga gintunaan sang pagkapatay sang biktima.
Ginapanawagan man ni Mamon sa publiko nga kung sino man ang may nahibal-an sa insidente nga makabulig sa pagsolbar sang kaso makig-angot ukon ireport lamang sa mga kapulisan kag padayon man ang ila imbestigasyon sa nagluntad nga pagpamusil-patay.
