Isa ka nga espesyal nga paagi sang pagrelaks ang gina-offer sang The Scratcher Girls.
Isa ini nga therapy studio sa Miami Gardens, Florida, kag ang mga kliyente sini gina-kamutan sa likod sa sulod sang isa ka oras tubtob nga makatulog.
Ang bayad sini nagalabot sa US$130 kada oras, ukon PHP 7,674.03.
Gin-patigayon sang 55-anyos nga si Toni George ang The Scratcher Girls sang 2010.
Ini ang gina-isip nga “world’s first back-scratching studio.”
Suno kay Toni, halin sa iya pagkabata hasta subong, nalipay gid siya kon ginakalot ang iya likod.
Naisip niya nga basi indi lang siya ang nakabatyag sang amo nga klase sang relaxation kag kalipay, gani nagdesisyon siya nga sugdan ang iya kaugalingon nga back-scratching service.
Ginagamit sang iya mga professional back-scratchers ang tatlo ka pulgada nga kataason nga manicured nails kon may customer nga nagapakalot sang likod.
