KORONADAL CITY- Malipayon ang isa ka Kapitan sa gin anunsyar sang Committee on Electoral Reforms sa House of Representatives nga kung sa diin gin-aprubahan ang pagpaiway sang Brgy. and SK Elections sa December 2022.
Ini ang pahayag ni Kapitan Gregorio Presga- Brgy. Captain Saravia Koronadal sa interbyu sang Bombo Radyo.
Suno sa iya, ginakalipay gid ini sang pipila man ka mga brgy. officials bangud madamo pa ang mga ini sang igapadayon nga mga plano para naman sa ila tagsa-tagsa ka mga brgy.
Dugang pa sini nga bilang isa ka Kapitan sa ila nga Brgy. madamo pa man ini sang mga butang nga dapat igapadayon nga kung sa diin isa na diri ang pagtutok man sa peace and order kag mga public program activity man sa ila nga brgy.
Sa karun sa dugang nga tinuig nga pagpungko sini bilang isa ka Kapitan pagahimuon pa gid ang mga butang nga ikaayo sang bug-os nga brgy saravia agud nga magapabilin nga matawhay kag malinong ang ila nga kahimtangan.
Madumduman nga naaprubahan ang postponement sa boto nga 12-2.
Lakip sa mga mamalidha nga nagboto batok sa postponement sang Barangay kag SK elections amo sanday Alliance of Concerned Teachers party-list Rep. France Castro kag Kabataan party-list Rep. Raoul Manuel.
Ginrason sang mga ini nga ang postponement sang eleksyon ang may indi maayo nga epekto sa mga botante sa diin daw kaangay nga ginakuha sa ila ang kinamatarong nga magpili sang mga naluyagan nga public officials.
