KORONADAL CITY – Ginabulubantayan sa subong nga mga tinion ang 5 ka mga barangay sa syudad sang Koronadal bangud sa padayon nga pagtaas sang kaso sang Covid-19.
Ini ang ginkumpermar ni Korondal City Mayor Eliordo Mayor Ogena sa interview sang Bombo Radyo Koronadal.
Suno sa Alkalde, lakip sa 5 ka mga barangay ang Zone 3 nga may kaso nga 37 ,Zone 4 nga may 43 ,Sta Cruz nga may 46,Sto. Niño nga may 66 kag barangay GPS nga may 134 ka kaso.
Dugang pa sang alkalde, naga panguna sa pag kontribwer sang pagsaka sang kaso ang South Cotabato Rehabilitation and Detention Center kun sa diin ,madamo sang mga pineriso nga naga positibo.
Dugang pa sang alkalde, kinahanglan nga mag konsulta pa ang lokal nga gobyerno sang Koronadal sa gobyerno national para magdeklarar sang General lockdown sa bilog nga Koronadal.
Apang sang wala pa, ginapasiguro man sang alkalde nga iga-imposar ang Police Power sa Koronadal para sa mga naga pamatok sa pagsulundan nga gintalana pinaagi sa ordinansa nga iya gin patuman.
