May pinasahi nga patakaran nga ginapatuman sa pa-liga sang basketball sa isa ka barangay sa Cotabato.
Antes magsabak sa hard court, dapat pagpahid anay sang tawa sa ilok ang mga humalampang.
Ang nasambit nga pagsulundan ang ideya ni SK Chairperson Yang Lamera sang Barangay Dungos sa banwa sang Tulunan.
Katuyuan sini suno sa iya nga maamligan man ang personal hygiene sang mga players nga ginabalhas kun nagahampang.
Pahayag sang opisyal nga indi malikawan nga kun kaisa, may ‘maisog’ kag ‘foul’ nga baho ang isa ka tawo kun ini ang ginabalhas.
Suno kay Lamera, sang una nahuya pa ang mga players magpahid sang tawas sa ila ilok apang sang nasanagan sa katuyuan sang pagsulundan, nagsunod na ang mga ini kag ila naman ginkagamnan.
“Noong na-explain namin nang maayos, ayun nawala na ang hiya nila…Kapag tinawag na yung team, ‘uy team one, akyat na dito.’ Ayun akyat sila at maglagay ng tawas,” pahayag ni Lamera.
