KORONADAL CITY- Ginpahayag ni Bayan Muna Partylist Rep. Carlos Isagani Zarate nga ginpakita lamang ni President Duterte nga ginsungka sini ang sovereign rights sang Pilipinas sa China.
Ini matapos ang nangin pahayag sang Presidente nga ok lamang nga mangisda ang mga Chinese Fishermen sa West Philippine sea nga ginatawag nga Exclusive Economic Zone ukon EEZ.
Suno pa kay Zarate nga ang EEZ ang may yara sang desisyon sa International Tribunal On Law of the Sea nga kabahin ini sang teritoryo sang Pilipinas.
Gindugang man sini nga base sa konstitusyon sang pungsod nga trabaho sang gobyerno nga protehiran ang EEZ kun diin gintawag man sini nga bayolasyon sa konstitusyon ang nangin pahayag sang pangulo.
Gintawag man sini nga maritime militia ang mga mangingisda sang China bangud gin-armasan ini sang gobyerno sang China para protehiran ang interes sang nasambit nga pungsod.
