KORONADAL CITY- Ginkadismaya ni Bayan Muna Rep. Carlos Isagani Zarate ang planong nga pagpaarestar sang Duterte administration sa mga ginasiling nga legal fronts sang New People’s Army angot sa natalana nga pagdeklarar sini sa NPA bilang isa ka terrorist group.
Sa interbyu sang Bombo Radyo Koronadal kay Zarate, nagaluntad na suno pa subong ang mga nagluntad man sadto sa idalom sang Marcos regime kun sa diin nagahimo suno pa sang desperado kag pasista nga ntikang ang kasamtangan nga administrasyon agud takpan ang ginasiling sini nga kapalpakan sang gobyerno agud tapuson ang armed conflict sa pungsod.
Dugang pa sini nga gintawag niya nga disappointing si Presidential Spokesman Harry Roque bangud bilang isa ka Human Rights Lawyer, ginapabay-an na lang suno pa sini nga punggan ang mga lehitimo nga grupo nga nagapakigbato sa tawhanong kinamatarong nga gina-insister nga ikonekta sa underground organization.
Kun madumduman nga gin-anunsya kahapon ni Pres. Rodrigo Duterte nga ang tanan nga mga konektado kag legal fronts sang NPA ang paga arestaron bangud nahibaluan suno pa sini nga ang nagapakig kuntsabuhay ang NPA kag legal fronts sini agud patibusukon ang gobyerno ukon magpalapnag sang kinagamo.
