-- ADVERTISEMENT --
Ginpahayag sang Department of Agriculture (DA) nga magalunsar sila sang Command Center subong Nobyembre agud mapabaskog kag maayos ang pagdumala sang food supply chain sa pungsod.
Suno kay Secretary Francisco Tiu Laurel Jr., ini nga Command Center mangin digital nerve center nga magatipon kag magahimo sang analysis sang datos parte sa produksyon, stock, presyo, kag iban pa.
Sa umpisa, magatutok ini sa rice value chain agud masiguro nga may igo nga suplay kag husto ang presyo sang bugas.
Ginapaabot nga ini makatipon sang mas epektibo nga forecasting kag makabulig man sa pagpanalipod sang kita sang mga lokal nga mangunguma.
Plano man gamiton ini nga sistema sa iban pa nga sektor pareho sang high-value crops, kasapatan, manok, kag pangisdaan.
