KORONADAL CITY – Naga talalangison nga naga pangayo sang hustisya ang isa ka iloy makaligad nga napatay ang lapsag sini sa sulod sang pasilidad sang South Cotabato Provincial Hospital.
Sandig sa interview sang Bombo Radyo Koronadal kay Mrs. Dara Tapel Prache , ginpakigbahin sini ang suno pa kaagi sini sang gindangat ini sa nasambit nga balay bululngan sang Hunyo 4 2021 para magpaidalom sa Caesarean operation bangud manug bata na ini.
Sa pila ka mga rasones ginpabalik-balik suno pa si Dara sa balay-bulungan.
Sa tion nga gin kuha na ang bata sa iya nga tago-angkan, nakibot ini bangud pila ka bes lang niya nabatian ang hibi sang iya nga lapsag.
Natingala man ini nga wala gin pa skin-to-skin ukon gin palapit sa iya ang iya nga baby Juancho.
Didto na nagduda si Dara kag naghilibion gid ini sang ginhambal sa iya sang iya nga bana nga isa na ka anghel ang ila nga lapsag bangud sa pila ka mga medical reasons.
Nagpalag si Dara bangud suno pa sa iya, may kapabayaan ang pila ka mga personnel sang balay-bululngan nga naghandle saiya nga oparasyon.
Dugang pa ni Dara ,desidido man ini nga magpasaka sang kaso batok sa South Cotabato Provincial Hospital bangud indi lang ini ang kaso sang pagkapatay sang lapsag sa balay-bululngan kag luyag nya man nga makuha ang hustisya nga iya gina pangayo.
