KORONADAL CITY- Nagpahayag sang pagkadismaya ang pila sa mga Pilipino sa Las Vegas Nevada USA makaligad malamita ang pangalan sang ginasiling nga pinas nga live-in partner sang suspek sa nagluntad nga pagpangluthang sa isa ka concert sa Mandalay Bay Hotel sa Las Vegas.
Suno kay Bombo International Correspndent Fervyl Cabudoy, nagtuga sang malain nga epekto ilabi na sa image sang mga Pilipino ang pagkalamita sa pangalan sang 62 anyos nga si Marilou Danley sa nasambit nga massacre kun sa diin una ini nga gin-identify bilang isa ka pinay nga girlfriend sang 64 anyos nga gunman nga si Stephen Craig Paddock.
Dugang pa sini nga wala suno pa nila ginakilala nga pinay si Marilou bangud base sa imbestigasyon madugay na nga nagrenounce sang iya nga Filipino Citizenship si Marilou kag nangin Naturalized Australian Citizen bag-o nangin nobya ni Paddock.
Samtang sa pihak nga bahin, nagpahayag man sang pagkondinar si US Pres. Donald Trump sa madinuguon nga panghitabo kun sa diin gilayon nga nahatagan sang bulig ang pamilya sang mga napatay mangin ang mga survivors sa nasambit nga insidente
