kORONDAL CITY – “Ang Dios ang nagserbe nga kasanag kag nagsulod sa aton sa tion sang atun nga kadudulman”.
Ini ang nangin sentro sang mensahe ni Bishop Cerilo Casicas sang Diocese of Marbel sang ginpangunahan sini ang Misa sa Christ the King Cathedral sa pagselebrar sang paskuwa.
Suno kay Bishop Casicas, nagakaangay nga mahibaluan sang tanan nga ang Ginoo nga manluluwas sang tanan ang ginbun-ag indi lang sa tion sang kagab-ihon kundi sa tion man sang kadudulman sa diin mas makusog kag kadulom kun-ikumparar sa kasanag nga bout silingon, nag tuhaw ang kasanag sang ginoo sa tion sang kadulom sang atun nga kabuhi para luwason kita sa pinaka-sentro sang atun nga kadudulman.
Dugang pa sang obispo, gin-ako ni Hesu Kristo ang pinakamasubo nga parte sang kabuhi sang tawo, ginakahadlukan,sala nga nagapa-depress sa aton kag ginsulod niya man ang pagkawala-ihibalo sa kabuhi kag pag-antos naton, indi lamang agud nga maghatag sang kasanag sa aton kadudulman kundi agud aton nga -e-embrace ukon hakson kag atubangon ang aton kadudulman.
Sa moderno nga panahon, apisar gamay nga discomfort kadali sa aton mangita sang rason kag relibo, kun may problema kag ginakahadlukan, nagalikaw kita apang indi suno pa naton ini dapat palagyuhan, sa baylo atubangon agud nga makita naton ang Diyos.
