KORONADAL CITY- Ginalauman anuman nga oras ang paghilway sang mga komunista kag rebelde nga New People’s Army (NPA) sa mga prisoners of war nga ginalakipan sang mga suldado gikan sa Sultan Kudarat, Surigao del Sur kag Bukidnon.
Sa interbyu sang Bombo Radyo Koronadal kay Police Chief Inspector Bernard Francia, hepe sang Columbio PNP padayon ang pagpakig-angot sang gindihon nga Crisis management council sa rebelde nga grupo agud nga maistoryahan ang natalana nga paghilway sa mga ini kasunod sang plano nga pagdeklarar sang CPP-NPA sang unilateral ceasefire antes magtakop ang bulan snag Marso.
Sa pihak nga bahin, positibo naman ang mga otoridad kag nagalaum ang pamilya nanday Sgt. Samuel Garay kag PFC Solaiman Calocop sang 39th IB Philippine Army nga mahilway na ang mga ini makaligad nga ginpatigayon ang negosasyon
Madumduman nga ginkidnap ang mga suldado sang nagligad nga Pebrero 2, 2017 sa Brgy. Telafas Columbio, Sultan Kudarat.
