KORONADAL CITY- Nagalaum ang Columbio PNP nga pagabuy-an na sang komunista kag rebelde nga grupo nga NPA ang mga ginakabig nga Prisoners of War nga ginalakipan man sang 2 ka mga suldado halin sa probinsya sang Sultan Kudarat.
Ini kadungan sang pagpagwa sang mensahe sang Communist Party of the Philippines nga sila ang magadeklarar sang Unilateral Ceasefire bag-o magtakop ang Marso 31, 2017 kun sa diin 4 ka mga POW ang ila pagahilwayon nga naghalin sa bahin sang Surigao del Sur, Sultan Kudarat kag Bukidnon.
Sa eklusibo nga interbyu sang Bombo Radyo Koronadal kay Pol. Chief Inspector Bernard Francia, hepe sang Columbio PNP, padayon ang komunikasyon nila sa rebelde nga grupo angot sa plano nga paghilway sa 2 ka mga suldado nga gin abduct sang pebrero 2, 2017 sa bahin sang Brgy. Telafas Columbio Sultan Kudarat nga sanday Sgt. Samuel Garay kg PFC Solaiman Calocop ng 39th IB Philippine Army.
Samtang ginpasiguro naman suno pa nga luwas ang mga bihag nga suldado nga yara sa kamot sang NPA.
