Paghigugma sa Diyos ipangibabaw subong nga Easter Sunday

KORONADAL CITY – Ipangibabaw ang paghigugma sa Diyos subong nga Easter Sunday.

Ini ang sentro sang mensahe ni Bishop Dinualdo Gutierrez sang Diocese of Marbel.

Suno sa obispo, ang krus ang instrumento sang kaluwasan kun diin sa pagkamatay ni Hesus nabuhi ang tawo kag natubos ang kasal-anan.

Dugang pa sini nga sa pagsakripisyo ni Hesus, nabalik kita sa Diyos rason nga dapat magabilin ang aton pagtuo sa iya.

Kadungan sini, liwat man nga gin-insister sang obispo nga dapat maghinulsol sang aton mga sala kag mangin mapainubuson.

Kag sa pagselebrar sang Easter Sunday, ginapahangop sa tanan ang paghigugma sa Diyos nga tampad.