KORONADAL CITY- Nadelatar ang pagdul-ong sang mga balota sa mga barangay sa Sultan sa Barongis, Maguindanao subong nga adlaw sang eleksyon.
Sa impormasyon nga ginpalab-ot ni Bombo Correspondent Arnel Palada, alas 3 sang kaagahon pa ginbyahe ang mga balota halin sa Brgy. Tinumigues Lambayong Sultan Kudarat apang nadelatar sang makalab-ot na sa Brgy. Tugal Sultan sa Barongis Maguindanao bangud sa tensyon nga nagluntad.
Nahibaluan nga kaupod ni Bombo Correspondent Arnel Palada ang 14th Mechanized Company kag iban pa nga mga otoridad sa pagdul-ong sang mga balota kun sa diin kinahanglan pa nga itabok sa suba ang mga balota.
Dugang pa sini nga pila sa Board of Election Inspectors (BEIs) ang na stranded bangud pabudlayanay ang pagsulod sa lugar.
Samtangg suno naman kay Ltc Lauro Olivero ng 1st Mechanized Infantry Battalion, Mechanized Infantry Division, Philippine Army ang Sultan sa Barongis Maguindanao angg isa sa mga election hot spots bangud sa presensya sang mga armado nga grupo.
