KORONADAL CITY- Ginakabig nga promisa na sang isa ka mister sa syudad sang Koronadal ang pagdonar sang iya nga dugo sa Dugong Bombo kada tuig makaligad mangin dalan ang programa nga ini sang Bombo Radyo Philippines kag Star FM agud masugpunan ang kabuhi sang iya nga tiayon.
Sa interbyu sang Bombo Radyo Koronadal kay Adrian Torres, taga Brgy. Sta Cruz, Koronadal nga pinaka-una nga successful blood donor sa ginpatigayon nga blood letting activity sang Bombo Radyo sa Koronadal City Hall, halos isa ka dekada na ini nga nagadonar sang dugo kun sa diin nangin kabahin na sang iya kabuhi ang programa nga ini sang Bombo Radyo.
Suno kay Torres, ang Dugong Bombo ang nagasugpon man sang kabuhi sang iya asawa makaligad ini magbalatian sang Dengue kun sa diin natughungan sang dugo ang iya misis usar ang Dugong Bombo Card.
Dugang pa sini nga bangud sa pagdonar sini sang dugo napasiguro sini nga healthy ang iya panglawason.
