KORONADAL CITY – Nagakaangay nga hulaton anay ang pamatbat sang Korte Suprema kag indi padali-on ang pag dismiss sa impeachment case ni VP Sara Duterte.
Ini ang nangin panan-awan ni Atty Jasper Kent Perez- Isa ka abogado sa interview sang Bombo Radyo Koronadal.
Suno sa iya,bangud ginhatagan pa sang ligwa sang Supreme Court ang kampo sang House Of Representatives sang tion nga magfile sang Motion for Reconsideration, nagakadapat nga hulaton ang resulta sini kag indi pag kabigon nga wala na sang chansa ang prosekusyon nga e-reverse pa sang SC ang una nga ruling sini.
Ginpahayag man ni Atty. Perez nga may punto ang pamangkot ni Senate Minority Leader Vicente “Tito” Sotto III kay Senator Rodante Marcoleta nga kun dalion ang pag dismiss sang kaso nga wala pa desisyon ang SC sa Motion For Reconsideration sang House of Representatives anu nalang ang matabo kun na dismiss na ang kaso sa tion nga e-reverse sang SC ang ila nga una nga ruling sa kaso bangud wala ang ini sa impeachment court nga amu naman ang sole authority sa impeachment case sang Bise Presidente.
Sang ulihi ginhatagan sang punto sang abogado nga ang SC ang sanga sang gobyerno nga nag desider kun constitutional ang isa ka tikang ukon indi kag dapat nga e-respeto ini.
