KORONADAL CITY- Tuman ka madasig na suno sa subong ang pagdata sang kaso sang makalaton nga balatian nga Covid-19 sa pungsod China labi nagid sa bahin sang Shanghai, China bangud nga sa pihak sang madugay nga mga lockdowns nga ginapatuman para ma control ang pagdata sang kaso sini.
Ini ang nangin pahayag ni Mary Fe Anacan, BINC to Shanghai China sa interview sang Bombo Radyo Koronadal.
Suno sa ila, natingala man sila nga mga pinoy sa nasambit nga lugar kun ngaa naga padayon sa gihapon ang paglapta sini.
Kadungan sini,naka-quarantine naman sa karun ang 10 ka mga Filipino nga yara sa Shanghai, China matapos nga magpositibo sa COVID-19.
Suno sa Philippine Consul General in Shanghai nagapakig-angot ang consul sa mga Pinoy sa nasambit nga pungsod kag ginkasubo niya man nga gin-anunsyar ang naangot diri.
Nagapangayu man ang mga Pinoy sang food vouchers nga magamit sa pagbakal sa mga produkto paagi sa online bangud limitado ang pagguwa sang mga tawo sa pampubliko nga lugar.
Bangud man sa lockdown, nangin tunaan ini sang panic-buying kag nangin hugot man ang mga suplay sang balaklun kag isa sa pinakasolusyun sini ang paghatag sang gobyerno sang food security.
Ginhatagan sila sang gobyerno sang assistance paagi sa vouchers kag food cards nga bilang kwarta agud magamit pamakal sang mga balaklon online.
Ini man ang iga-deliver diritso sa puluy-an bangud sa limitasyon sang pungsod nga makaguwa sa panimalay.Ginkansela man sang Commission on Elections (Comelec) ang absentee voting.
