KORONADAL CITY– Kadungan sang asud-asod nga pagsungka sang mga miyembro sang New People’s Army ukon NPA member sa militar, nagpahayag na ang mga ini sang pagkabalaka makaligad nga madamo na suno pa sang nagasungka nga child warriors.
Madumduman nga nagsungka na naman ang 2 NPA kahapon kun sa diin edad 16 lamang ang isa.
Magluwas diri, ginpahayag sa Bombo Radyo ni 2nd Lt. Col. Radjan Palacio, tigpamaba sang 27th Infantry Battalion Philippine Army, nga sa tanan nga mga nagasungka sa ila may sang mga menor de edad ukon bata pa sadto sang narecruit.
Dugang pa sini nga naga ako man ang mga bata nga rebelde nga sila kalakip na sa mga extortion activities kag pagpang-atake sa hubon sang gobyerno sa ula temprano nga edad.
Samtang nagsungka suno pa ang mga ini bangud nakit-an nila nga wala sang manami nga matuga ang ila pakig-away sa gobyerno kag wala sang mabulig ang komunista kag rebelde nga grupo agud nga maluwas sila sa kapigaaduhon.
Sa subong yara sa kostudiya sang South Cotabato Provincial Social Welfare and Development Office ang menor de edad samtang ginapreparar na ang bulig agud nga maka umpisa sa liwat sa iya normal nga kabuhi.
