KORONADAL CITY- Ginakabalak-an sa subong sang South Cotabato Provincial Health Office kag Provincial Veterinary Office ang pagdata sang kaso sa Rabies subong nga bulan ilabi na nga Summer Season kun sa diin, tuman ang kainit sang panahon.
Sa nangin interview sang Bombo Radyo Koronadal kay Rabies Program Coordinator John Arlo Codilla, hugot ang ila nga monitoring sa subong sa mga kaso sang mga Rabies Victims sa pagselebrar man sang Rabies Awareness Month.
Nahibaluan nga yara sa 18 ang napatay sa Rabies sang nakaligad nga tuig Probinsya sang South Cotabato rason nga nagalaum si Codilla nga indi ini maglala pa subong nga tuig.
Suno kay Codilla, importante nga maeksplekar sa publiko kun pano mapunggan ang paglala sang Rabies Cases pinaagi sang mga programa sang Provincial Health Office , Provincial Veterinary Office kag Agricultural Office subong sang Annual Vaccination kag Castration ilabi na sa mga Warm Blooded Animals subong sang mga Ido kag Kuring nga masami nga naga-init ang ulo bangod tuman nga kainit sang panyempo.
