-- ADVERTISEMENT --
Plano sang Philippine Amusement and Gaming Corporation (PAGCOR) nga makig-angut sa mga nagkalain-lain nga electronics wallet companies agud maaksyonan ang pagka-addict sang pila ka indibidwal sa mga online gambling.
Suno kay assistant vice president for Gaming Licensing and Development Department Vina Ocam, may inisyal na sila pakighinala sa mga e-wallet companies natuhoy sa nasambit nga isyu.
May programa naman sila nga ginlunsyar agud makontrol ang pagka-addict sa sugal kun sa diin mahimo nga i-report sang isa ka indibidwal ang ila himata para sila ang ma-block sa nasambit nga online gambling.
Wala man ginpanginwala sang PAGCOR nga madamo sila sang nabaton nga report nga nagdamo ang numero sang addict sa mga online gambling.
