KORONADAL CITY – Nagpadulong sa Bombo Radyo Koronadal ang isa ka SAP beneficiary agud ipalab-ot ang reklamo nga ginabahin-bahin suno pa ang nabaton nga cash subsidy nga ila nabaton.
Suno kay alyas Jason, isa ka estudyante kag residente sang Brgy. GPS, Koronadal City, sa eksklusibo nga interbyu sang Bombo Radyo Koronadal, ginhambalan suno pa sila sang mga opisyal sang barangay nga kinahanglan nga may katunga sila sa P5,000 nga mabaton sini antes mahatag sa ila.
Gani amo na lamang ang iya kakibot makaligad nabatian ang nasambit nga rekisitos gani ginpamangkot niya ang staff sang DSWD agud makumpirmar ini apang ginhambalan lamang siya nga magreklamo na lamang siya sa barangay.
Dugang pa sini, may iregularidad na nga nagakatabo antes pa man ang pagpanagtag sang cash assistance.
Gani panawagan sini sa mga concerned agencies nga gilayon nga aksyonan ang nasambit nga aktibidad.
