Tuman ka damo ang dapat na e-analyze kung may kahilwayan gid man ang pungsod sa sitwasyon subong sang Pilipinas.
Ini ang ginpahayag ni UP Professor Danilo Arao kag covenor man sang Kontra Daya sa interview sang Bombo Radyo Koronadal.
Suno kay Arao, dako ang kontribusyon sang sistema sang edukasyon karon kun ngaa wala tuman nga napahangop sa kabataan ang importansiya sang matragtas sang pungsod.
Kasubong nga ang mindset sang kabataan subong sa paghakos sang “globalisasyon”, nagahuna-huna paano mapaumwad ang kabuhi paagi sa pagpadulong sa iban nga pungsod sa baylo nga magpabilin sa Pilipinas.
Dugang pa ni Arao nga masubo isipon nga nabalewala na ang pagka-nationalismo sang kabataan kag ini karon ang dako nga hanglan sa education system sang pungsod.
Kinahanglan nga mangin mangin-alamon sa mga nagakatabo sa pungsod paagi sa pagkilala sa yara sa posisyon agud mahangpan ang sitwasyon kag makapartisipar tubtob sa ikasarang.
Ini bangud ang matuod nga kahilwayan indi lamang ang pagsinggitan nga kita Pilipino apang ang pagkabuhi nga matarong, may pag-ulikid sa pungsod kag paghandum nga mapaumwad ini.
Kadungan sini, gin-awhag ni Professor Arao ang tanan nga hibaluon ang papel sa aton komunidad kag makigbahin sa mga programa sang gobyerno nnga may kahilwayan kag mapabugal nga kita Pilipino kag nagaulikid sa Pilipinas.
