Koronadal City – Thankful, ini ang nangin sabat ni ginang Nanette Pabalinas nga tiya ni Police Senior Inspector Ryan Pabalinas nga isa sa mga napatay sa Mamasapano encounter sang tuig 2015 sa ginpatigayon nga Oplan Exodus sa Mamasapano, Maguindanao.
Ini apisar papaano ginpasakaan na sang kaso sang Office of the Ombudsman si anay President Benigno Aquino III sang kaso nga graft kag usurpation of official functions.
Suno kay Ginang Pabalinas, sa Bombo Radyo lamang sini nabatian ang angot sa pagsang at sang kaso sa anay presidente
Apang sa pihak sini, indi suno pa sini mahimo nga mag sinadya bangud nahibaluan sini nga madamo sa gihapon sa pamilya sang fallen 44 ang apektado.
Samtang ginpahayag sini sa Bombo Radyo Koronadal nga apisar papaano, malipayon naman ini bangud may nakit-an na nga pagbag-o sa sistema sang gobyerno rason nga ginapasalamat sini.
Sa subong nagalaum na lamang suno pa sila nga antes matapos ang termino ni Pres. Rodrigo Duterte, gilayon na nga maangkon ang hustisya sa SAF 44.
