KORONADAL CITY- Nangin tayuyon ang pag umpisa sang una nga semana sang in person classes sa mga buluthuan sa Rehiyon 12.
Ini ang ginpahayag ni Ms. Rhea Joy Sevillano – Regional Information Officer, DEPED 12, sa interbyu sang Bombo Radyo Koronadal.
Suno sa iya, wala sang mga nagluntad nga mga untoward incidents sa taga buluthuan bangud yara man ang pwers sang kapulisan agud sila ang buligan.
Ginpahayag sini nga sa karon nagadugang sa gihapon ang mga enrollees sang isa ka buluthuan sa syudad sa piyak sang pagpatigayon sang Face to Face Classes, nga kung sa diin nagtakop na ang pagbaton sang mga enrollees sang Agusto 22.
Sandig sa ila nga assessment may pipila ka mga buluthuan nga ginakulang ang ila nga mga klasrums bangud nagadinamo ang mga estudyante sa ila nga buluthuan.
Apang sa piyak sini ginahimuan man ini sang pamaagi agud nga ma “cater” tanan nga mga enrollees kag mangin komportable sila sa sulod sang ila nga mga klasrums.
Sa karon, magahimo gid sang ang Deped 12 sang pamaagi agud nga mahatag ang panghinanglanon sang manunudlo ilabi na para sa mga estudyante ilabi na ang kalidad nga edukasyon sa pihak sang nagaharanag kag pamahog sang Covid-19.
