Pag retiro ni People’s Champ Manny Paquiao sa patag sang boxing, nakaangkong sang nakalain lain nga reaksyon, mga fans sa guwa kag sa sulod sang pungsod nagapalab-ot sang suporta – BINC

KORONADAL CITY – Nangin masubo man indi ang mga pinoy mangin man ang pila ka mga foreign fans sa bilog nga kalibutan sa pag retiro na sa boxing ni Senator Manny Pacquiao.

Ini ang nangin pahayag ni Bombo International Correspondent to Orlando,Florida USA, Balt Quinain sa ekslusibo nga interview sang Bombo Radyo Koronadal.

Suno sa iya masubo man ang pila ka fans sa pag retiro sa boxing sang Fighting senator,apang may pila sa mga ini ang naglantaw nga mas makamaayu kay pacman nga mag pahuway na ini bangud dako na ang panahon nga nahatag niya sa boxing ring kag isa pa , may edad-edad nagid man ini.

Dugang pa ni Balt may pila man ka mga nasubuan apang naga kaangay nga intindihon man ni Pacman ang ikaayong lawas sini agud mahatagan sang pa ang iya nga pamilya.

Suno pa saiya, imbes nga magpangasubo, naga kaangay nga supportahan nlang sang mga Pilipino ang ma madason kag manug-abot nga henerasyon sang boksidor sa Pilipinas kag dapat himoon man nga inspirasyon sang pila ka mga boxers ang maragtas ni Paquiao sa ibabaw sang boxing Ring.