Ginpadayon liwat sang House Committee on Good Government and Public Accountability ang hearing parte sa paggamit sang pondo sang Office of the Vice President (OVP) kag Department of Education (DepEd), labi na gid ang confidential kag intelligence funds sa idalom sang liderato ni VP Sara Duterte.
Suno kayManila Representative Joel Chua, nga amo ang chairman sang komite, nga karapatan sang mga pumuluyo ang hibaluon kun diin gin-gasto ang kuwarta nga naghalin sa kaban sang bayan.
Ginaawhag man ni Chua ang iban pa nga mga opisyal sang gobyerno nga may kaangtanan kag nakahibalo parte sa mga transaksiyon nga gina-imbestigaran sang kamara nga magpabutyag kag magpalapit sa House Blue Ribbon Committee agud ipahayag ang ila nahibaluan ang kamatuoran sa paggamit sang pondo.
Dugang pa ni Chua, nga indi dapat ang mga katawhan nga nagabayad sang buwis ang magapas-an sang kabudlay agud makilala ang kamatuoran.
Gintutukan mansang Kongresista nga ang Kamara amo ang guardian sang public funds, amo kinahanglan hibaluon sang publiko kun diin nagapadulong ang pondo kag kung ini nagamit sang husto.
