KORONADAL CITY – Malipayon sa subong ang pamilya kag mga himata sang South Cotabato Master Weaver nga si Be Lang Dulay bangud sa mataas nga dungog nga dala sang pagkilala kag pagkalakip sang T’nalak weave sa pinakabag-o nga desenyo sang 1000 peso bill sang Pilipinas.
Sa interview sang Bombo Radyo Koronadal kay Mr.Delmo Dulay, apo ni Be Lang Dulay, ginpahayag sini nga malipayon sila sa legasiya nga ginbilin sang ila nga lola nga sa subong padayon nga ginakilala sa bilog nga kalibutan.
Suno sa iya, nagbunga gid ang pagpaninguha ni Be Lang Dulay nga pinakauna nga Weaver sang T’nalak sa diin ang mga desinyo sini ang naghalin sa mga damgo antes nahimo kag ginkreer.
Dugang pa sini, ang orihinal nga mga kulay sang T’nalak amu naman ang puti,itom kag pula sa diin naga representar sang ila nga tribo- ang T’boli. Isa man ka maayo ini nga pagkilala sa ila sang mga ambag sang ila nga lola sa kasaysayan sang Pilipinas bangud sa palaabuton nga Abril 30, komemorahon nila ang 7th Death anniversary ni Be lang Dulay nga nagtaliwan sa edad nga 91 anyos sang2015.
Madumduman nga si Be lang Dulay ang isa ka T’boli Princess kag Gawad Manlilikha ng Bayan Awardee kag gindeklarar man nga National Living Treasure sang NCAA sang tuig 1998.
Ang T’nalak ang Cultural Emblem naman sang probinsya sang South Cotabato.
