KORONADAL CITY- Nagalab-ot sa masobra 4,000 ektarya sang kadutaan ang ginpakigbahin sang gobyerno sa mga mangunguma sa probinsya sang Sultan Kudarat.
Nahibaluan nga tuman ang kalipay sang mga mangunguma halin sa Brgy. Laguilayan, Isulan Sultan Kudarat makaligad ginpangunahan ni Pres. Duterte ang Awarding sang Certificate of Land Ownership pinaagi sa programa sang Department of Agrarian Reform.
Sa interbyu sang Bombo Radyo Koronadal kay Bernie Palawan, isa mga benepisyaryo nga lumad nga nangin emosyonal sila bangud sa kadugay sang panahon nga sila ang nag-antos kag naipit sa kinagamo kag pila ka bes man nga nagbakwit, nadulaan sang kinamatarong sa ila mga kadutaan apang liwat nabuhian sang paglaum pinaagi sa Duterte administration kun sa diin nakabaton ini sang 3 ka ektarya sang duta kag nabatyagan suno pa sini nga ginhatagan sila sang importansya sang kasamtangan nga administrasyon.
Samtang nagalaum naman si Pres. Duterte nga pinaagi sa mga kadutaan nga ginpakigbahin sa halos 2,000 ka mga Muslim, Lumad kag Kristiyano wala na sang rason agud nga mag-agaway sang duta kag magpinatyanay nga pila sa mga nagapanguna nga problema sa Mindanao.
Ang nasambit nga awarding ceremony ang wala lamang gintambungan sang mga pumuluyo kag mga opisyal sa Sultan Kudarat apang mangin man sang mga taga South Cotabato, North Cotabato kag probinsya ng Maguindanao.
