Isa ka pagpangbuno ang nahitabato sa bahin sang Tupi, South Cotabato sang Marso 12, 2025, banda alayas-10:10 sang gab-i.
Ginkilala ang biktima nga si alias “Karl,” isa ka lalaki, 35 anyos, single, driver kag residente sang Bambad, Isulan, Sultan Kudarat. Ang mga suspek naman ginkilala nga si alias “Aaron,” lalaki, 19 anyos, single, estudyante, kag si alias “Eric,” lalaki, 39 anyos, single, kag miyembro sang Philippine Marines nga naka-assign sa 1st Marine Brigade sa Barira, Maguindanao Del Norte.
Ang duha ka suspek mga lunsay taga Barangay Poblacion, Tupi, South Cotabato.
Suno sa imbestigasyon, yara sa sulod sang ila balay si alias “Karl” kag ang iya live-in partner nga si alias “Queen,” babayi, 31 anyos, single kag residente sang Barangay Bunao, Tupi, South Cotabato, sang may nanuktok sa ila puertahan. Sang ginbukas ini, gin-atake sang duha ka suspek ang biktima kag ginbuno sa tuo nga hawak. Nakapalagyo ang biktima kag nakapangayo sang bulig.
Madason naman nga gindala ini sa balay bululngan para sa medical attention.
Nahibaluan nga may siyam (9) ka tuig nga relasyon si alias “Queen” kag ang suspek nga si alias “Eric” antes sila nagbulagay
Nagpatigayon ang Tupi MPS sang hot pursuit operation nga nagresulta sa pagdakop sang duha ka suspek.
Gindala ang mga suspetsado sa Tupi MPS para sa nagakaigo nga disposisyon.
