KORONADAL CITY- Maathag suno pa madamo sang mga agyan dapat nga mga tikang ang pag amyendar sa Environmental code sang South Cotabato kag pagligwat sa pag dumili sa open pit mining sa probinsya lakip na diri ang pag kreer sang Technical Working Group nga maga review sa Envi Code sang Probinsya.
Ini ang nangin pahayag ni Atty. Noel Ben, Director , NDMU Marist Hope Center for Justice and Good Governance sa interview sang Bombo Radyo Koronadal.
Suno sa iya, ginakinahanglan nga mag kreer sang Technical Working Group (TWG) sa diin wala gid na agyan sa mga tikang sang proponents sang amu nga proposed amendments sa Envicode nga isa ka bayolasyon sa section 177 sang Envicode sa South Cotabato.
Gindugang pa sini, daw kulukasubong nga naga pinadali ang mga proponents nga wala naga lantaw sa tikang nga dapat agyan kag subayon.
Suno pa sa iya nakita nila nga may ara sang legal necissities ang amu nga ginaproponer kag pinaagi sa presensya sang Technical Working Group (TWG) mapabakod ang pagkalihetimo sang ila nga mga tikang sa diin napaslawan ang mga nga proponer sa plano nga pag-amiyendar sang Envicode.
