PAF padayon sa pagsuporta sa DSWD agud madul-ong ang bulig sa apektado sang ST Pepito

Padayon sa giyapon ang suporta sang Philippine Air Force sa Department of Social Welfare and Development sa pagdul-on sang bulig sa apektado sang Super Typhoon Pepito sa Probinsya sang Catanduanes.

Base sa datos sang DSWD, naglab-ot sa dugang nga 1,300 Family Food Packs ang napanagtag sang ahensya sa mga pamilya nga apektado sa probinsya.

Ginasakay ini sa C-130 aircraft sang PAF halin sa Visayas Disaster Resource Center sang DSWD sa Mandaue, Cebu.

Sa datos, nagdangan na sa kabug-isan nga 68,498 FFPs ang napanagtag sang DSWD sa nasambit nga lugar.