-- ADVERTISEMENT --

KORONADAL CITY – Nagapadayon ang imbestigasyon sang mga otoridad sa nagluntad nga pagpangluthang sa mag-amay sa banwa sang Pagalungan, Maguindanao.
Ginkilala sang Pagalungan PNP ang mga biktima nga sanday Sadak Solaiman, 38-anyos kag ang 5 ka tuig nga bata sini ang ginkilala kay Sukor Solaiman nga lunsay residente sang Brgy. Poblacion sa nasambit nga banwa.
Nagagwa sa inisyal nga imbestigasyon sang mga otoridad nga natabo ang insidente alas-3:00 kaina sang hapon sa mismo sa atubang sang puluy-an sang mga biktima.
Suno sa report, gilayon lang suno pa nga gintiro sang mga suspek si Solaiman samtang nagatindog sa atubang sang ila nga puluy-an kun sa diin naulamid ang bata sini.
Naka-angkon sang pila ang mga biktima nga madasig nga gindangat sa pinakamalapit nga ospital para sa gilayon nga medikasyon.
Narekober sa crime scene ang bala sang caliber 45 pistol.
Sa karon, blangko pa ang PNP kun ano ang motibo sang suspek sa pagtiro sa biktima.