KORONADAL CITY – Liwat nga gintawag nga “unlawful” ni South Cotabato Governor Daisy Avance-Fuentes ang Kabus Padatuon Ministry International Inc. ukon KAPA nga gindihon ni Joel Apolinario kag patuloy ang operasyon sa probinsiya sang South Cotabato.
Suno kay Governor Fuentes, gikan sang mahibaluan niya ang advisory sa Securities and Exchange Commission (SEC) kag DILG, gintalakay nila ini sa sa Regional Peace and Order meeting kag ginpalab-ot man ang concern sa Regional Development Council.
Sa pagkamatuod, magapadala siya sang sulat sa Department of Finance (DOF) kag Securities anf Exchange Commission (SEC) angot sa operasyon sang KAPA indi lamang sa Rehiyon Dose kundi magnin sa nagakalin-lain nga lugar sa Mindanao bangud sa tion nga magpadayon pa ang investment sang KAPA maaapektuhan ang ekonomiya sang lugar.
Dapat suno pa nga ang SEC kag DOF ang magapatigayon sang imbestigasyon agud nga mapasakaan man sang kaso nga economic sabotage ang mga yara sa likod sang KAPA.
