Nagpahayag si Senator Erwin Tulfo nga dapat mapanabat ang mga pabaya nga gun owner nga nagatugot nga mahapos makuha sang mga kabataan ang ila armas.
Ini matapos makumpiska ang isa ka armas-luthang sa bag sang Grade 9 nga estudyante sa Cebu, nga suno sa report iya sang lolo sang estudyante.
Nagtuhaw ini pila lamang ka adlaw matapos ang shooting incident sa Ateneo de Zamboanga University, kun sa diin duha ka estudyante ang napatay kag siyam ang napilasan.
Nagapareparar ang talatapan ni Sen. Tulfo sang hagna nga magahatag sang criminal liability sa mga pabaya nga tag-iya sang armas kun magamit ini sa pagpanakit ukon iban nga krimen.
Suno sa senador, kinahanglan sang mas istrikto nga sistema sa pagpanag-iya kag pagtipig sang armas agud mapunggan ang amo nga mga insidente, ilabi na sa mga buluthuan.
Nagpanawagan man si Tulfo sa mga ginikanan nga hatagan sang tion ang ila mga kabataan kag estoryahon sila bahin sa ila mga ginabatyag kag problema.
Suno sa iya, indi dapat magsalig lamang sa teknolohiya para mahibaluan kun ano ang ginaatubang sang mga kabataan.
Depensan ni Tulfo nga indi natural nga bayolente ang mga kabataan, kag mahimo nga may nagkalain-lain nga rason nga nagatulod sa ila sa paghimo sang bayolente nga mga binuhatan.
Gani, importante suno sa iya ang padayon nga paggiya kag pagpakig-estorya sang mga ginikanan sa ila mga kabataan.
