-- ADVERTISEMENT --
Ginsungka ni anay Department of Public Works and Highways (DPWH) Bulacan District Engineer Henry Alcantara sa Department of Justice (DOJ) ang ikaduha nga bahin sang P300-milyon nga kickbacks humalin sa flood control project, suno kay Acting Justice Secretary Fredderick Vida.
Yara sa masobra P70 milyon ang ginbalik sini sa gobyerno.
Madumduman nga una na nga ginbalik sang anay opisyal ang P110 milyon sang Nobyembre 28, nga kabahin sang ginapahayag nga ginpromisa nga ‘restitution.’
Ginkumpirmar man ni Prosecutor General Richard Anthony Fadullon nga kwalipikado na si Alcantara bilang state witness.
Nagalaum man ang kampo ni Alcantara nga makabulig ang pagbalik sang kwarta agud mapili siya bilang state witness sa kaso.
