Ginsumiter na sang Department of Budget and Management (DBM) kay Pangulong Ferdinand R. Marcos Jr. ang proposed P7.2-trilyon nga National Expenditure Program (NEP) para sa fiscal year 2027.
Suno kay Palace Press Officer Claire Castro, personal nga ginsumiter ni DBM Secretary Kim de Leon ang proposed spending program kay Marcos sa ila miting sa Malacañang.
Ang proposed budget may tema nga “People-Centered Growth for an Inclusive and Resilient Future” kag nagaprioridad sa edukasyon, panglawas, pangabuhian, nasyunal nga seguridad kag pagpauswag sang mga komunidad.
Suno kay Castro, tuyo sini nga mas mapauswag ang serbisyo sang gobyerno kag mapalapad ang mga oportunidad para sa mga Pilipino.
Ang NEP amo ang proposed spending plan sang ehekutibo kag mangin basehan sang General Appropriations Bill nga pagatalakayon kag pagadesisyunan sang Kongreso.
Pormal naman nga isumiter sang DBM ang NEP sa Kongreso sa Martes bilang masunod nga tikang sa annual national budget process.
