Aprubado na sang House of Representatives ang House Bill (HB) No. 10800 kun sa diin nalakip ang P6.352 trillion proposed budget para sa tuig 2025 sa ika-tatlo kag final nga reading.
Sa ginpatigayon nga plenary session, 285 ka mga myembro ang nagpabor sa HB No. 10800 ukon ang General Appropriations Bill (GAB) samtang tatlo naman ang wala nagpabor.
Wala naman sang may nagpamatuk sa nasambit nga HB.
Ini ang natigayon inoras matapos naaprobaran man ini sa ika-duha nga reading.
Gin-aprobahan sang Kamara ang GAB sa ikaduha kag ikatatlo nga reading sa pareho man nga adlaw kasunod sang pagdeklarar ni President Ferdinand “Bongbong” Marcos Jr. sa HB No. 10800 bilang urgent.
Una na nga gin-adoptar sang Kamara ang proposed amendments nga gin-raise sang House committee on appropriations, kalakip na ang pagbuhin sa Office of the Vice President’s (OVP) budget sa P733 million.
Matandaan nga ang orihinal nga budget nga gin-alokar sa OVP ang yara sa P2.037 billion sa idalom sang National Expenditures Program (NEP), apang nadesisyonan sang mga mamalidha nga buhinan ini bangud sang indi manami nga pag-asta ni VP Duterte kag kasunod sang mga rebelasyon sang low budget utilization sa pila ka mga programa sang OVP.
