KORONADAL CITY – Nag-abot na sa tunga sa milyon ang reward money nga ihatag sa sin-o man nga makatudlo sa mga suspect/s nga nagoatay sa mag-utod nga bata sang principal sa Bagontapay, M’lang, North Cotabato makaligad nga ginsulod suno pa ang ila nga balay sang Disyembre 10,2021.
Suno kay Abraham Contayoso, Secretary to the Mayor sang banwa sang Tulunan , mangin ang ila nga nga banwa nga kaiping nga lugar sang Mlang ang nag kondina man sa nasambit nga panghitabo kag nagpaabot sang dugang nga rewarard para sa pagpadakop sang suspek sa brutal nga pagpatay sa mag utod nga Maguad.
Base naman sa latest nga imbestigasyon sang mga otoridad, pila ka adlaw makaligad ang pagpatay, nag guwa nga ginpatay sanday Crizzle Gwenn kag Cruzzile Louise Maguad usar ang martilyo, kutsilyo kag isa ka baseball bat nga ginapanag-iyahan sang ila nga pamilya.
Sa subong , uyat na sang Scene of the Crime Operative (SOCO) ang mga ebidensya nga nakuha sa sulod sang Crime Scene nga makatudlo sa mga responsable sa nasambit nga pagpatay.
Nagapadayon naman ang pagkuha sang mga otoridad sang statements sa lone survivors sa sulod sang puluy-an nga ginahambal nga nakapanago pa sa sulod sang hulot kag nakapost pa sa iya nga facebook nga nagapangayo sang bulig sang ginsulod sang mga suno pa suspek ang puluy-an kag ginpatay sa mag-utod.
Apang isa naman ang survivor sa ginakabig nga person-of-interest sa subong sa krimen.Hustisya naman ang singgitan sang mga kapamilya kag paryente sa makangilidlis nga pagpatay sa mag-utod.
