P50 bilyon na ang balor sang droga nga nakumpiskar kag yara sa masobra 800 ang napatay sa idalom sang “bloodless” anti-drug drive sang administrasyon ni Marcos Jr.

Naglab-ot sa kapin P50 bilyon ang balor sang droga nga nakumpiskar kag masubra 800 ang napatay sa idalum sang “bloodless” anti-drug drive ni Pangulong Ferdinand Marcos Jr.

Sandig sa datos, nakumpiskar ang amo nga droga sumugod tuig 2022 tubtob 2024, mas mataas ang balor, ikumparar sa idalum sang administrasyon ni anay pangulong Rodrigo Duterte nga nakakumpiskar sang P25.82 bilyon nga balor sang droga kag ginkamatay sang masubra 20,000 ka mga drug personalities sumugod 2016 tubtob 2018.

Suno kay Quad Committee overall Chairman Representative Robert Ace Barbers, ang datos nga ini ang nagikan sa Philippine National Police (PNP), Philippine Drug Enforcement Agency (PDEA), National Bureau of Investigation (NBI), kag iban pa nga ahensiya sang gobyerno.

Nagapakita ini suno kay Barbers nga tuman ka layo kag mas epektibo ang “bloodless” war on drugs sang subong nga administrasyon, ikumparar sa maduguon nga away apang tuman ka nubo ang balor sang droga nga narekober.