Nakumpiskar sang Bureau of Customs ang yara sa P5.54 milyon nga kantidad sang shabu, nga gintago suno pa sa kinetic sand nga hampangan sa Port sang Clark.
Suno sa BOC nga ang mga opisyales sang port, upod ang Philippine Drug Enforcement Agency (PDEA), nakakita sang 816 gramos nga methamphetamine hydrochloride (kilala nga shabu) nga gintago sa tunga sang mga hampangan.
Ang package naghalin sa Los Angeles, California, kag padulong sa Cagayan de Oro City.
Ang shipment naglapas sang madamo nga seksyon sang Customs Modernization and Tariff Act, labi na gid sa mga bahin nga nagahambal parte sa importasyon kag exportasyon sang mga bawal nga mga butang.
Nagpagwa ang BOC sang Warrant of Seizure and Detention para sa shipment, apang wala pa sang mga aresto nga nahimo sa koneksyon sa mga nakuha nga droga.
Sa karon padayon man ang imbestigasyon sang mga otoridad sa nasambit nga illegal nga droga
