-- ADVERTISEMENT --
Nagalab-ot sa £56 million ukon P4 billion worth of assets ang nabilin sang nagtaliwan nga anay miyembro sang One Direction nga si Liam Payne.
Nahibaluan, ang iya nabilin nga assets ang igahatag sa iya 7-anyos nga anak nga si Bear Grey, ang anak niya sa singer nga si Cheryl Cole nga anay miyembro sang girl group nga Girls Aloud.
Dugang pa diri, sang buhi pa ang international singer permi niya ginahambal nga gusto niya ipamana sa iya anak ang tanan nga assets halin sa iya pila katuig nga pagtrabaho.
Madumduman, nagtaliwan ang singer sa edad nga 31-anyos sang tinalikdan nga Oktubre 16, matapos mahulog sa ikatatlo nga panalgan sang Palermo, Buenos Aires, Argentina.
