Nabalabagan sang Bureau of Customs (BOC) ang smuggled nga kalamay nga nagakantidad sang P30 milyon sa Subic Port, suno sa Sugar Regulatory Administration (SRA).
Suno sa SRA, ginpahayag sang BOC nga ang shipment sangkalamay nagikan sa Thailand kag ginsulod sa pungsod nga may illegal nga dokumento.
Ang nasambit nga shipment ginkumpiskar matapos nadiskubre nga wala sang nagakaigo nga permit halin sa gobyerno.
Ginpabutyag ni Acting SRA Administrator Pablo Luis Azcona nga ang pagkadakop sang smuggled nga kalamay dako nga bulig sa local nga industriya kag sa mga mangunguma nga nagapadayon sa legal nga pagnegosyo.
Padayon nga ginahimo sang BOC ang istrikto nga pag-monitor sa mga shipment nga nagasulod sa nagkalain-lain nga pantalan sa pungsod agud malikawan ang pagpang-scam kag pagpang-sulod sang illegal nga mga produkto.
Ginalauman nga ipaidalum sa imbestigasyon ang mga nagapanguna sa nasambit nga smuggling kag magapangatubang sang nagakaigo nga kaso suno sa balaod.
