Arestado sang kapulisan ang mag-amay sa isa ka entrapment operation sa Barangay Makir, Datu Odin Sinsuat, Maguindanao del Norte.
Ginkilala ang mga suspek nga sanday Noel Lembak Sulba, 55, kag Esmael Diangkal Sulba, 22, matapos sila mabaklan sang P1 milyon nga balor sang shabu.
Suno kay Brig. Gen. Jaysen De Guzman sang PRO-BAR, nadakpan sila matapos magbaligya sang 150 gramos nga shabu sa Sitio Gubat.
Ginpangunahan ni Lt. Col. Esmael Madin sang Datu Odin Sinsuat PNP ang operasyon, upod ang iban pa nga unit sang Maguindanao del Norte police.
Daku man ang bulig nanday Mayor Abdulmain Abas kag Vice Mayor Bobsteel Sinsuat sa pagpatigayon sang operasyon.
Nakakustodiya na karon ang mag-amay sa kapulisan kag maga-atubang sang kaso nga paglapas sa Comprehensive Dangerous Drugs Act of 2002.
